Toyota ги објави новите фотографии на својот спортски концепт FT-86, заедно со неговите претходници.

Новата серија фотографии прикажуваат некои нови детали на FT-86. Моделот FT-86 ќе започне да се произведува дури во 2012 година, а неговата цена во ќе изнесува околу 25.000 евра за основниот модел. 

  

FT-86 е концепт, односно заеднички проект на Subaru и Toyota, со цел да се понуди нискобуџетен спортски автомобил. Toyota досега заради својата цел да стане број 1 во автомобилската индустрија, помалку неправедно ги запостави своите спортски модели. Но изгледа дека тоа сега се менува, па FT-86 ќе биде неофицијален наследник на Supra, но во многу поефтина варијанта. Концептот е претставен на саемот за автомобили во Јапонија, каде уште одмана почна да се крева прашина околу FT-86.   

Во САД цената на авомобилот ќе биде околу 25.000 долари, додека во Европа може да се очекува цена повисока од 25.000 евра.   

FT-86 според засега достапните информации ќе биде придвижен од 2.0 литарски Subaru мотор, но без турбо за да се постигне пониска цена, а погонот наместо AWD, ќе биде само на задните тркала.