Интернет гигантот ги здружи силите со вториот најсилен телевизиски оператор во САД, компанијата Dish Network, за заедно да ја тестираат услугата за пребарување на телевизиските програми.

Информациите за новиот проект на Google поприлично се сиромашни. Наводно услугата веќе ја тесираат некои компании кои ќе бидат вклучени во проектот.

Според достапните информации, оваа телевизиска услуга на Google би се наоѓала на set-top box-вите, телевизиските приемници, а на корисниците би им овозможувала пребарување на достапните канали, како и пребарување на online видео сервисите како YouTube и слични. Корисниците на ваквите уреди би управувале со нив со помош на тастатура наместо со далечински управувач.

Google со оваа нова услуга сосема сигурно се обидува дополнително да го имплементира својот сектор за телевизиско огласување во секое домаќинство. Имено, Google TV е проект на Google за таргетирано рекламирање кое на компаниите кои се рекламираат ќе им овозможи прикажување на реклами зависно од навиките на корисниците.